श्री स्वामी समर्थ तारक मंत्र lyrics
श्री स्वामी समर्थ तारक मंत्र
नि:शंक हो निर्भय हो मना रे
प्रचंड स्वामीबळ पाठीशी रे ||
अतर्क्य अवधुत हे स्मरणगामी
अशक्य ही शक्य करतील स्वामी ||
जिथे स्वामीपाय तिथे न्यून काय
स्वये भक्त प्रारब्ध घडवी ही माय ||
आज्ञेविना काळ ना नेई त्याला
परलोकीही ना भिती तयाला ||
उगाची भितोसी भय हे पळु दे
जवळी उभी स्वामी शक्ती कळू दे ||
जगी जन्ममृत्यू असे खेळ ज्यांचा
नको घाबरु तू असे बाळ त्यांचा ||
खरा होई जागा श्रद्धेसहित
कसा होशी त्याविण तू स्वामीभक्त ||
कितीदा दिला बोल त्यांनीच हात
नको डगमगू स्वामी देतील साथ ||
विभूती नमन नाम ध्यानादि तीर्थ
स्वामीच ह्या पंचप्राणामृतात ||
हे तीर्थ घे आठवी रे प्रचिती
न सोडी कदा स्वामी ज्या घेई हाती ||
श्री स्वामी चरणविंदार्पणमस्तू ||
Comments
Post a Comment